IDEAGOV, o Centro Internacional para a Descentralización e a Gobernanza con sede na Universidad de Santiago de Compostela, organiza xunto co Foro Económico de Galicia a conferencia internacional ‘Democracia e gobernanza global: cambios no século XXI’, que terá lugar o 9 de marzo no Centro de Estudos Avanzados.
O encontro inaugurarano ás 16.00 horas o reitor Antonio López; o conselleiro de Educación, Ciencia, Universidades e Formación Profesional, Román Rodríguez; o presidente do Foro Económico de Galicia, Víctor Nogueira; e o responsable de IDEAGOV; Santiago Lago.
A xornada organízase en dous paneis de discusión. Un primeiro sobre a polarización e o conflito político en democracia, no que participarán Jonathan Rodden, da Universidade de Stanford; e Pablo Beramendi, da Universidade de Duke, coa profesora da USC María Loureiro como moderadora.
O segundo panel xirará en torno ao unilateralismo e as crises humanitarias globais, e nel interveñen Erik Wibbels e Guy Grossman, da Universidade de Pennsylvania. A profesora da Autónoma de Madrid Miriam Hortas-Rico será quen modere o debate.
