O reitor recibiu ao seu homólogo do Instituto Federal de Educación, Ciencia e Tecnoloxía de Goiás

O reitor Juan Casares mantivo un encontro co seu homólogo do Instituto Federal de Educación, Ciencia e Tecnoloxía do Estado de Goiás (Brasil), Jerónimo Rodrígues da Silva, co obxecto de avanzar no desenvolvemento de vías de colaboración entre ambas institucións. O obxectivo máis inmediato será a organización e desenvolvemento dun programa de doutoramento en Educación na institución brasileira, que impulsaría o grupo Esculca que dirixe o catedrático Miguel Ángel Santos Rego. O Instituto Federal de Educación, Ciencia e Tecnoloxía (IFG) con doce Campus no Estado de Goiás e tres máis en fase de constitución, estando equiparada ás universidades federais a todos os efectos. O IFG tenpor finalidade formar e cualificar profesionais para os diversos sectores da economía, en estreita relación cos sectores produtivos e coa sociedade, ofrecendo ao mesmo tempo mecanismos para o desenvolvemento da educación continuada. Actualmente conta con 16.000 alumnos e 1.600 Profesores.