O Festival Internacional de Teatro Universitario congregará en Compostela a compañías de Estados Unidos, Porto Rico, Lituania e Bélxica
O programa deste festival presentarase o luns 17 na Reitoría da USC
A vixésima edición do Festival Internacional de Teatro Universitario da USC celebrarase a vindeira semana, entre os días 17 e 22, no Salón Teatro de Compostela con entrada gratuíta previo paso polo despacho de entradas. Están programadas un total de cinco representación a cargos de agrupacións teatrais de Estados Unidos, Porto Rico, Bélxica Lituania e da USC. O programa do encontro presentarano en rolda de prensa o director da Área de Cultura da USC, Pablo Sampedro, e o director da Aula de Teatro da Universidade de Santiago, Roberto Salgueiro. O encontro cos medios celebrarase na Sala de Prensa do Colexio de San Xerome a partir das 11.30 horas.