A Olimpíada Española de Economía é un certame académico e educativo que ten como obxectivo estimular o estudo da Economía e da Economía da Empresa entre a mocidade, premiar o esforzo e a excelencia académica, así como establecer vínculos estables entre o ensino universitario e outros niveis educativos.
Poderá participar o estudantado matriculado no curso 2025/26 na materia Empresa e Deseño de Modelos de Negocio de 2º curso de Bacharelato en calquera dos Centros de Ensino Secundario da Comunidade Autónoma de Galicia. A participación será individual e cada centro poderá presentar ata un máximo de 5 participantes.
A XVI Olimpíada Galega de Economía está organizada pola Universidade de Santiago de Compostela (USC) en colaboración coa Universidade da Coruña (UDC) e a Universidade de Vigo (UVigo) e coa participación da Asociación Galega de Ensinantes de Economía en Secundaria (AGAEDES) e constitúe a fase local da Olimpíada Española de Economía no ámbito da Comunidade Autónoma de Galicia.