Programa A Ponte

O pasado 30 de xaneiro de 2026 publicouse no Taboleiro de Anuncios da USC a convocatoria do Programa de Titores no marco de A Ponte correspondente ao curso 2025/26.

Estes son os aspectos a resaltar:
1.    Pode participar o alumnado matriculado en estudos de grao que teña superados como mínimo 30 créditos ECTS.
2.    O número de prazas para o Grao en Veterinaria é de 4.
3.    O programa desenvolverase en dous cursos. No primeiro, os/as alumnos/as reciben a formación necesaria, e no segundo exercen como titores/as dos/as estudantes de novo ingreso e colaboran nas diferentes actividades do programa A Ponte.
4.    A avaliación positiva da realización de todas as actividades do programa da dereito ao recoñecemento de 6 créditos ECTS.
5.    Os/As alumnos/as interesados/as deberán presentar a súa solicitude dirixida ao decano na Secretaría do Decanato, a través do correo electrónico veterinaria.secretaria [at] usc.gal (veterinaria[dot]secretaria[at]usc[dot]gal).
6.    O prazo de inscrición remata o 13 de febreiro de 2026.

Obrigas dos/as titores/as:
- Marzo 2026: formación - 12 sesións do 9 ao 26 de marzo, de 20.15 a 21.30 horas na Facultade de Administración e Dirección de Empresas.
- Xuño 2026: colaboración no Acto Mellores Expedientes de Formación Profesional.
- Curso 2026/27: recepción do alumnado de novo ingreso e actividades organizadas por A Ponte e o propio centro, de existir.