Aberto o prazo para matricularse na escola de tenis da USC

O Servizo de Deportes da USC abriu xa un primeiro prazo de matrícula na escola de tenis para os cursos que se desenvolverán de 1 de outubro ao 31 de maio. Do 1 ao 7 de setembro pódense matricular as persoas con folla de avaliación do curso anterior feita e entregada ao monitor e máis as pertencentes á categoría de usuarios A. A partir do día 8 a matrícula estará aberta a calquera persoa.