O reitor imporá a Insignia de Ouro da USC a integrantes do equipo de dirección durante a súa etapa de goberno

O reitor Juan Casares presidirá o luns 12 o acto protocolario de imposición da Insignia de Ouro da USC a integrantes do seu equipo de dirección ao longo dos catro anos do seu goberno. A sesión celebrarase a partir das 13.00 horas no Salón Nobre do Colexio de Fonseca. A Insignia de Ouro da Universidade de Santiago é o recoñecemento que concede o reitor a aquelas persoas que sobresaian dun xeito especial nos servizos prestados á institución universitaria, ben por razón da duración ou continuidade destes ou pola súa especial relevancia ou significación.