Vicente Gómez ofrece este venres na Escola Politécnica un relatorios sobre viadutos de plataforma ferroviaria en Galicia

O enxeñeiro de Obras Públicas e enxeñeiro de Camiños, Portos e Canais Francisco Javier Vicente Gómez, abre este venres, día 7 de febreiro, o ciclo de relatorios programado pola Escola Politécnica Superior do campus de Lugo co gallo da conmemoración do décimo aniversario da implantación dos estudos de Obras Públicas e Topografía.

Vicente Gómez desenvolverá o seu relatorio, que leva por título ‘Viadutos singulares de plataforma ferroviaria en Galicia’, a partir das 18.00 horas, no salón de actos da Escola Politécnica Superior de Lugo. O relatorio de apertura deste ciclo está dirixido principalmente a estudantes dos graos de Enxeñaría Civil e de Xeomática e Topografía, aínda que tamén está aberto á participación de todo o público interesado nesta temática. O ciclo de relatorios organizado pola Escola Politécnica para celebrar os dez anos da implantación dos estudos de Enxeñaría Civil e Topografía no campus de Lugo terá continuidade o vindeiro 13 de febreiro, cando está previsto que o enxeñeiro de Camiños, Canais e Portos, Manuel Durán Fuentes, ofreza o relatorio ‘Enxeñaría de pontes: as pontes romas en Galicia’. O enxeñeiro municipal do Concello de Lugo Carlos Fernández Casanova ofrecerá o 21 de febreiro , no marco deste ciclo sobre enxeñaría civil, un relatorio baixo o título ‘A nova EDAR de Lagares (Vigo). Experiencias na xestión integral do proxecto’.