Programa de Doutoramento en Endocrinoloxía

O perfil de ingreso establece os coñecementos, habilidades e capacidades que debe posuír o estudante que desexa acceder a este programa e, como consecuencia, as titulacións de acceso ao programa máis adecuadas e que determinan a admisión e, se é o caso, a necesidade ou non de realizar complementos formativos por parte dos doutorandos/as.
Coñecementos e habilidades recomendadas:
· Sólida formación en ciencias biomédicas, con énfase en fisioloxía e patoloxía do sistema endocrino.
· Comprensión avanzada do metabolismo de substancias nutritivas e as súas alteracións.
· Coñecementos en metodoloxías de investigación biomédica e análise crítica da literatura científica.
· Familiaridade con técnicas diagnósticas e terapéuticas en Endocrinoloxía e Nutrición.
Capacidades desexables:
· Aptitude para a análise crítica e a resolución de problemas no campo da Endocrinoloxía.
· Habilidade para deseñar e executar proxectos de investigación no ámbito endocrino-metabólico.
· Capacidade de traballo en equipo multidisciplinar.
· Interese na innovación e no avance do coñecemento en Endocrinoloxía e Nutrición.
Formación académica recomendada:
· Estudos previos no ámbito das Ciencias da Saúde ou Ciencias da Vida.
· Formación de posgrao (nivel máster) en áreas relacionadas coa investigación biomédica, Endocrinoloxía, ou Nutrición.
Competencias lingüísticas:
· Dominio del inglés a nivel B2 o superior, para la comprensión de literatura científica y la comunicación en contextos académicos internacionales.

Ramas y ámbitos de conocimiento:

· Rama principal: Ciencias de la Salud
· Ámbitos de conocimiento relacionados (según Anexo I del RD 822/2021):
· Medicina y Ciencias Biomédicas
· Nutrición y Ciencias de los Alimentos
· Biología
Los candidatos que no cumplan completamente con este perfil de ingreso podrán ser considerados para su admisión, quedando a criterio de la CAPD la posible necesidad de cursar complementos formativos específico.

Os requisitos xerais de acceso e admisión son os recollidos no Real Decreto 99/2011, de 28 de xaneiro, polo que se regulan as ensinanzas oficiais de doutoramento. Estes son:
1.- Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster Universitario ou equivalente, sempre que se tiveran superado, como mínimo, 300 créditos ECTS no conxunto destas dúas ensinanzas.
2.- Así mesmo, poderá acceder quen se atope nalgún dos seguintes supostos:
a) Estar en posesión de títulos universitarios oficiais ou títulos españois equivalentes, sempre que se tiveran superado, como mínimo, 300 créditos ECTS no conxunto destas ensinanzas e acreditar un nivel 3 do Marco Español de Cualificacións para a Educación Superior.
b) Estar en posesión dun título obtido segundo sistemas educativos estranxeiros pertencentes ao Espazo Europeo de Educación Superior (EEES), sen necesidade da súa homologación, que acredite un nivel 7 do Marco Europeo de Cualificacións sempre que dito título capacite para o acceso a estudos de doutoramento no país de expedición do mesmo. Esta admisión non implicará, en ningún caso, a homologación do título previo do que estea en posesión o interesado nin o seu recoñecemento con outros efectos diferentes ao acceso a ensinanzas de doutoramento.
c) Estar en posesión dun título obtido segundo sistemas educativos estranxeiros alleos ao EEES, sen necesidade da súa homologación, previa comprobación pola universidade de que este acredita un nivel de formación equivalente ao do título oficial español de Máster universitario e que capacita no país de expedición do título para o acceso a estudos de doutoramento.
Esta admisión non implicará, en ningún caso, a homologación do título previo do que estea en posesión o interesado nin o seu recoñecemento con outros efectos que non sexa o acceso a ensinanzas de doutoramento.
d) Estar en posesión doutro título de Doutor ou Doutora.
e) Igualmente poderán acceder os titulados universitarios que, previa obtención dunha praza en formación na correspondente proba de acceso a prazas de formación sanitaria especializada, superasen con avaliación positiva polo menos dous anos de formación dun programa para a obtención do título oficial dalgunha das especialidades en Ciencias da Saúde.

1. Carta de referencia. É requisito obrigatorio para a admisión no programa de doutoramento a presentación dun informe por parte do/a estudante candidato ou candidata consistente nunha carta de referencia dun/ha profesor ou profesora do programa que i) avale a potencial viabilidade da futura Tese no marco dunha liña de investigación do programa ao que se vincule, e que ii) puidese exercer como persoa directora no caso de cumprir os requisitos necesarios para iso.
2. Competencias lingüísticas. Ademais, dadas as características e o nivel científico do Programa de Doutoramento, o estudante debe ter acreditado un nivel mínimo de coñecementos de inglés equivalente ao nivel B2, non só por ser a lingua común de comunicación científica a nivel internacional actualmente senón porque parte dos cursos, tanto de formación específica como transversal, así como diversas actividades do programa poden realizarse neste idioma. O nivel de inglés acreditarase coa correspondente certificación oficial das incluídas na listaxe de acreditacións recoñecidas polo Centro de Linguas Modernas (CLM) da USC para os distintos niveis do Marco Común Europeo:
https://www.usc.gal/gl/centro/centro-linguas-modernas/acreditacion-ling…

3. Coñecemento de linguas cooficiais. Recoméndase que os estudantes posean un nivel básico de español ou galego (A2 ou superior) para facilitar a súa integración no contorno académico e social. Non obstante, este requisito non é obrigatorio para a admisión.

O programa de doutoramento poderase extinguir por algunha das seguintes causas:

•Que non supere o proceso de renovación da acreditación establecido no artigo 10 do RD 99/2011.

•Que non acredite o cumprimento dos requisitos establecidos pola normativa estatal ou autonómica vixente.

•Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

•Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

•Comportará a perda do seu carácter oficial e a baixa no RUCT.

•Non se poderá matricular novo estudantado no programa de doutoramento.

•En calquera caso todo o estudantado afectado deberá ser informado da extinción e das consecuencias no relativo ao desenvolvemento dos seus estudos.

A universidade adoptará as medidas necesarias para garanti-los dereitos académicos do estudantado que estea cursando os ditos estudios nos termos establecidos na resolución de extinción do plan de estudio, e aprobará o procedemento de extinción dos programas de doutoramento no seo da universidade.

• Comprensión sistemática dun ámbito de estudo e dominio das habilidades e métodos de investigación relacionados con dito ámbito. (Sustitúese "ámbito" por "campo" a partir da aplicación do R.D. 576/2023, de 4 de xullo)
• Capacidade de concebir, deseñar ou crear, poñer en práctica e adoptar un proceso substancial de investigación ou creación.
• Capacidade para contribuír á ampliación das fronteiras do coñecemento a través dunha investigación orixinal.
• Capacidade de realizar unha análise crítica e de avaliación e síntese de ideas novas e complexas.
• Capacidade de comunicación coa comunidade académica e científica e coa sociedade en xeral respecto aos seus ámbitos de coñecemento nos modos e idiomas de uso habitual na súa comunidade científica internacional.
• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.
• Capacidade de fomentar a Ciencia Aberta e a Ciencia Cidadá, conforme ao artigo 12 da Lei Orgánica 2/2023, do 22 de marzo, como forma de contribuír á consideración do coñecemento científico como un ben común, mediante a avaliación de actividades transversais realizadas pola doutoranda ou doutorando relacionadas con diferentes dimensións da Ciencia Aberta e da Ciencia Cidadá, así como á capacitación adquirida en ambas as disciplinas en formato de microcredenciais ou similar. (A partir da aplicación do R.D. 576/2023, do 4 de xullo)

• Lograr un nivel de formación que consiga avanzar o coñecemento nunha das liñas de investigación do ámbito da Endocrinoloxía nas nosas institucións, tanto na súa vertente teórica como na súa vertente metodolóxica.
• Aplicar os métodos teóricos, cuantitativos e cualitativos apropiados para proxectos de investigación do máis alto nivel, ou no seu caso para ensaios clínicos rexistrados internacionais.
• Ser quen de prever as dificultades técnicas da experimentación científica en endocrinoloxía, e as limitacións dos modelos experimentais in vitro, en animais ou en pacientes. Isto implica unha crítica construtiva da interpretación dos propios datos e a defensa intelectual de posibles solucións ou hipóteses alternativas.
• Presentar e defender convincentemente traballos científicos no ámbito da endocrinoloxía ante un público experto, tanto de investigadores básicos como de investigadores clínicos en español e en inglés.
• Elaborar un traballo de investigación académica capaz de elevar a nosa fronteira do coñecemento nalguhna das liñas de investigación do Programa

• Alcanzar un nivel de formación que permita avanzar o coñecemento nunha das liñas de investigación no ámbito da Endocrinoloxía nas nosas institucións, tanto na súa vertente teórica como na metodolóxica.
• Elaborar un traballo de investigación académica capaz de ampliar a nosa fronteira do coñecemento en algunha das liñas de investigación do Programa.
• Presentar e defender convincentemente traballos científicos no ámbito da endocrinoloxía ante un público experto, tanto de investigadores básicos como clínicos, en español e en inglés.
• Ser capaz de prever as dificultades técnicas da experimentación científica en endocrinoloxía, e as limitacións dos modelos experimentais in vitro, en animais ou en pacientes. Isto conleva unha crítica construtiva da interpretación dos propios datos e a defensa intelectual de posibles solucións ou hipóteses alternativas.
• Aplicar os métodos teóricos, cuantitativos e cualitativos apropiados para proxectos de investigación do máis alto nivel, ou, se é o caso, para ensaios clínicos rexistrados a nivel internacional.