O perfil de ingreso establece os coñecementos, habilidades e capacidades que debe posuír o estudante que desexa acceder ao programa de Medicina Molecular e, como consecuencia, as titulacións de acceso máis idóneas e que determinan a admisión e, no seu caso, a necesidade a ou non de realizar complementos formativos por parte dos doutorando/as.
O perfil de ingreso recomendado é o de alumnado que cursase un título de Grao e Máster dos seguintes ámbitos de coñecemento (segundo a clasificación do RD 822/2021 polo que se establece a organización dos ensinos universitarios e do procedemento de aseguramento da súa calidade).
• Bioloxía e Xenética
• Bioquímica e biotecnoloxía
• Ciencias biomédicas
• Farmacia
• Medicina e odontoloxía
• Química
De forma xeral, enumeramos algúns estudos de Máster que permitirán o ingreso a este programa de doutoramento sen complementos de formación, que serán Investigación Biomédica (P2061), Investigación e Desenvolvemento de Medicamentos (P2101), Neurociencia (P2012) e Biotecnoloxía (P1022). Para outras titulacións de acceso, a CAPD avaliará de forma individualizada cada caso. Considerarase a posibilidade de esixir aos alumnos complementos de formación (como máximo ata 15 créditos) de entre as materias ofertadas polo #Máster de Investigación Biomédica.. Tamén terán no programa acceso sen complementos os estudantes co título de DEA obtido a través dos Programas da USC (Medicina Molecular, Ciencias Forenses e Patoloxía, Bioquímica e Bioloxía Molecular, Interuniversitario en Endocrinoloxía e Bioloxía Celular).
No caso doutro tipo de perfís de acceso diferente, a CAPD avaliará de forma individualizada cada caso.
Os alumnos deberán acreditar un coñecemento de lingua inglesa de NIVEL B1 do Marco Común Europeo de Referencia sobre Coñecemento de Linguas, ou equivalente.
Alumnos con titulacións estranxeiras
Os estudantes con título estranxeiro sen homologar poderán solicitar a admisión nos estudos de doutoramento sempre que se acredite un nivel de formación equivalente á do título oficial español de #máster universitario e faculte no país expedidor do título para o acceso aos estudos de doutoramento. Esta admisión non implicará, en ningún caso, a homologación do título previo nin o recoñecemento a outros efectos que os de acceso a estes ensinos.
Deste xeito, os estudantes con título estranxeiro sen homologar requirirán para a plena validez da súa matrícula unha resolución de equivalencia outorgada polo reitor, logo de emitidos os informes que regulamentariamente se establezan, na que se indicará a denominación do título estranxeiro e o seu recoñecemento para os efectos de cursar estes estudos. A equivalencia deberá solicitarse dentro do prazo que se estableza, acompañando o título con base ao cal se desexa acceder aos estudos de terceiro ciclo e un certificado académico dos mencionados estudos, no que consten as materias e períodos académicos cursados e de que o título dá acceso no seu país aos estudos de doutoramento. Todo o anterior presentarase debidamente legalizado (orixinais e fotocopias para a súa cotexo ou fotocopias autenticadas polos servizos consulares ou embaixadas españolas).
No caso de non ser o idioma de orixe o castelán deberase acompañar tamén unha tradución legalizada da documentación anteriormente citada. Na solicitude de admisión do alumnado tamén se incluirá a posibilidade de realizar simultaneamente a solicitude de equivalencia, en caso necesario. A CAPD valorará a adecuación académica dos estudos cursados polo solicitante, tendo que figurar esta circunstancia na proposta de admitidos no programa. As resolucións de equivalencia constarán no expediente do alumno e poderán certificarse como calquera outro extremo do mesmo. Poderase contemplar que os informes emitidos para situacións semellantes sirvan como precedentes. Nestes casos non será necesario a realización de novos informes. O alumnado poderá matricularse sen esperar a resolución de equivalencia, pero a validez da súa matrícula quedará condicionada a esta declaración.