Programa de Doutoramento en Dereito

O perfil de ingreso establece os coñecementos, habilidades e capacidades que debe posuír o estudante que desexe acceder a este programa e, como consecuencia, os títulos de acceso ao programa máis axeitados e que determinan a admisión e, no seu caso, a necesidade ou non de realizar complementos formativos por parte do alumnado.
Acceden ao programa de xeito directo, sen necesidade de complementos de formación, os títulos do ámbito de coñecemento #Dereito e especialidades xurídicas# (anexo I do Real Decreto 822/2021, de 28 de setembro, no que se establece a organización das ensinanzas universitarias e do procedemento de aseguramento da súa calidade) e os seus equivalentes noutros sistemas universitarios distintos ao español.
Tamén darán acceso ao programa as titulacións dos seguintes ámbitos do coñecemento (e os seus equivalentes noutros sistemas universitarios distintos ao español): #Ciencias económicas, administración e xestión de empresas, mercadotecnia, comercio, contabilidade e turismo#; #Ciencias sociais, traballo social, relacións laborais e recursos humanos, socioloxía, ciencia política e relacións internacionais#; #Xornalismo, comunicación, publicidade e relacións públicas# (anexo I do Real Decreto 822/2021, de 28 de setembro). Nestes casos, a Comisión académica do programa de doutoramento poderá esixir ao alumnado a realización de complementos de formación de acordo co previsto no apartado 3.4.

Os requisitos xerais de acceso e admisión son os recollidos no Real Decreto 99/2011, do 28 de xaneiro, polo que se regulan as ensinanzas oficiais de doutoramento. Estes son:
1. Con carácter xeral, para o acceso a un programa oficial de doutoramento será necesario posuír os títulos oficiais españois de Grao, ou equivalente, e de Máster Universitario ou equivalente, sempre que se teñan superado, como mínimo, 300 créditos ECTS no conxunto destas dúas ensinanzas.
2. Así mesmo, poderá acceder quen se atope en algunha das seguintes situacións:
a) Estar en posesión de títulos universitarios oficiais ou títulos españois equivalentes sempre que se teñan superado, como mínimo, 300 créditos ECTS no conxunto destas ensinanzas e acreditar un nivel 3 do Marco Español de Cualificacións para a Educación Superior.
b) Estar en posesión dun título obtido conforme a sistemas educativos estranxeiros pertencentes ao Espazo Europeo de Educación Superior (EEES), sen necesidade da súa homologación, que acredite un nivel 7 do Marco Europeo de Cualificacións sempre que dito título habilite para o acceso a estudos de doutoramento no país de expedición do mesmo. Esta admisión non implicará, en ningún caso, a homoloxación do título previo do que estea en posesión o interesado nin o seu recoñecemento con outros efectos que non sexa o acceso a ensinanzas de doutoramento.
c) Estar en posesión dun título obtido conforme a sistemas educativos estranxeiros alleos ao EEES, sen necesidade de súa homoloxación, previa comprobación pola universidade de que este acredita un nivel de formación equivalente ao do título oficial español de Máster universitario e que capacita no país de expedición do título para o acceso a estudos de doutoramento. Esta admisión non implicará, en ningún caso, a homoloxación do título previo do que estea en posesión o interesado nin o seu recoñecemento con outros efectos que non sexa o acceso a ensinanzas de doutoramento.
d) Estar en posesión doutro título de Doutora ou Doutor.
e) Igualmente poderán acceder os titulados universitarios que, previo obtemento de praza en formación na correspondente proba de acceso a prazas en formación na correspondente proba de acceso a prazas de formación sanitaria especializada, teñan superado con avaliación positiva polo menos dous anos de formación dun programa para a obtención do título oficial dalgunha das especialidades en Ciencias da Saúde.

É requisito obrigatorio para a admisión no programa de doutorado a presentación dun informe por parte da persoa candidata consistente nunha carta de referencia dun profesor ou profesora do programa que i) avale a potencial viabilidade da futura tese no marco dunha liña de investigación do programa á que se vincule, e que ii) se comprometa a exercer como persoa directora da tese en caso de cumprir os requisitos necesarios para iso.

O programa de doutoramento poderá extinguirse por algunha das seguintes causas:

Que non supere o proceso de continuidade da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao amparo dos procesos de revisión e mellora do título de acordo co procedemento aprobado pola universidade.

• Que se produza calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Conlevará a perda do seu carácter oficial e a baixa no RUCT.

• Non se poderá matrícula novo alumnado no programa de doutoramento.

• En calquera caso, todo o estudantado afectado deberá ser informado da extinción e das consecuencias en relación co desenvolvemento dos seus estudos.

A Universidade adoptará as medidas necesarias para garantir os dereitos académicos do estudantado que estea cursando ditos estudos nos termos establecidos na resolución de extinción do plan de estudos, e aprobará o procedemento de extinción dos programas de doutoramento no seo da universidade.

• Comprensión sistemática dun ámbito de estudo e dominio das habilidades e métodos de investigación relacionados con dito ámbito. (Substitúese “ámbito” por “ámbito” a partir da aplicación do R.D. 576/2023, de 4 de xullo)
• Capacidade de concebir, deseñar ou crear, poñer en práctica e adoptar un proceso substancial de investigación ou creación.
• Capacidade para contribuír á ampliación das fronteiras do coñecemento a través dunha investigación orixinal.
• Capacidade de realizar unha análise crítica e de avaliación e síntese de ideas novas e complexas.
• Capacidade de comunicación coa comunidade académica e científica e coa sociedade en xeral sobre os seus ámbitos de coñecemento nos modos e idiomas de uso habitual na súa comunidade científica internacional.
• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.
• Capacidade de fomentar a Ciencia Aberta e a Ciencia Cidadá, conforme ao artigo 12 da Lei Orgánica 2/2023, do 22 de marzo, como xeito de contribuír á consideración do coñecemento científico como un ben común, mediante a avaliación de actividades transversais levadas a cabo polo doctorando ou a doctoranda relacionadas con diferentes dimensións da Ciencia Aberta e da Ciencia Cidadá, así como a capacitación adquirida en ambas disciplinas en formato de microcredenciais ou similar. (A partir da aplicación do R.D. 576/2023, do 4 de xullo)

• CE01. Adquisición da capacidade analítica, metodolóxica e expositiva propia da investigación xurídica.
• CE02. Comprensión sistemática da investigación en Dereito e o dominio das habilidades e métodos de investigación relacionados coa liña de investigación na que desenvolva o seu labor.
• CE03. Adquisición da capacidade de concibir, deseñar e desenvolver un proceso de investigación en Dereito con seriedade académica.
• CE04. Suscitar e resolver desde o punto de vista teórico e metodolóxico problemas aplicados ao dereito.
• CE05. Realizar unha análise crítica, unha avaliación e unha síntese de teorías novas e complexas a partir das achegas xurdidas da súa experiencia investigadora
• CE06. Realizar unha contribución a través dunha investigación orixinal en Dereito que amplíe as fronteiras do coñecemento desenvolvendo un corpus substancial, do que, polo menos unha parte, mereza a publicación referenciada a nivel nacional ou internacional.
• CE07. Adquisición da capacidade de comunicarse cos seus colegas, coa comunidade académica no seu conxunto e coa sociedade en xeral acerca da investigación en Dereito e especificamente da súa liña de investigación

• Adquisición da capacidade analítica, metodolóxica e expositiva propia da investigación xurídica.
• Adquisición da capacidade de comunicarse cos seus colegas, coa comunidade académica en xeral e coa sociedade en xeral sobre a investigación xurídica e, especificamente, sobre a súa liña de investigación.
• Realizar unha contribución a través dunha investigación orixinal en Dereito que amplíe as fronteiras do coñecemento desenvolvendo un corpus substancial, do cal, ao menos unha parte, mereza a publicación referenciada a nivel nacional ou internacional.
• Realizar unha análise crítica, unha avaliación e unha síntese de teorías novas e complexas a partir das achegas xurdidas da súa experiencia investigadora.
• Plantexar e resolver desde o punto de vista teórico e metodolóxico problemas aplicados ao dereito.
• Adquisición da capacidade de concebir, deseñar e desenvolver un proceso de investigación xurídica con seriedade académica.
• Comprensión sistemática da investigación xurídica e dominio das habilidades e métodos de investigación relacionados coa liña de investigación na que desenvolva o seu labor.