Programa de Doutoramento en Economía e Empresa

En particular, destacaremos pola súa especial relevancia para sectores clave da economía que se pretende desenvolver no medio e longo prazo os temas relacionados co turismo e a innovación. Así mesmo, as liñas de investigación profundan na análise da internacionalización e o emprendemento.

O obxectivo do programa é formar doutores que poidan contribuír a ampliar e difundir o coñecemento científico nos ámbitos da Economía e da Empresa, así como a dar resposta aos retos empresariais, económicos e sociais actuais e futuros.
En particular, destacaremos pola súa especial relevancia para sectores clave da economía que se pretende desenvolver a medio e longo prazo os temas relacionados co turismo e a innovación. Así mesmo, as liñas de investigación profundan na análise da internacionalización e o emprendemento.
Aproveítase a oportunidade suscitada polo cambio da normativa reguladora dos programas de doutoramento para axustar a súa oferta ás liñas de investigación activas na USC, ao mesmo tempo que se busca a colaboración con outras universidades (tanto do SUG como doutras universidades nacionais) e institucións de investigación na procura dunha optimización dos recursos dispoñibles, así como para reforzar áreas estratéxicas da Universidade. Ao mesmo tempo buscouse unha maior integración entre as actuais titulacións de grao coas novas propostas de programas de doutoramento. A oferta proposta adecúase á actuación prevista consistente na conformación dunha oferta de posgrao especializada e competitiva respecto á contorna universitaria, nacional e internacional, incrementando o prestixio social dos estudos de posgrao. Con esta proposta preténdese reforzar o prestixio da traxectoria investigadora da USC. Promoverase a incorporación de doutores e doutoras ás empresas co fin de estender a súa capacidade máis aló da docencia e a investigación, co fin de impulsar a actividade produtiva. Así mesmo, a proposta é consecuente coa necesaria modificación dos patróns de xestión de recursos, buscando a optimización do uso dos mesmos, mediante fórmulas de colaboración internas e externas.
A proposta relaciónase estreita e directamente co I+D+i en todas e cada unha das liñas de investigación que abarca o Programa de Doutoramento en Economía e Empresa. Precisamente, algunhas destas liñas produciron xa resultados de investigación que se transferiron en forma de coñecemento á sociedade, ao sector privado e aos organismos públicos encargados de tomar decisións. En particular, destacaremos pola súa especial relevancia para sectores clave da economía que se pretende desenvolver no medio e longo prazo os temas relacionados co turismo e a innovación. Así mesmo, as liñas de investigación profundan na análise da internacionalización e o emprendemento.

En canto ao perfil dos titulados, contarán cunha formación de posgrao de alto nivel nos ámbitos da Economía e da Empresa, para contribuír a ampliar e difundir o coñecemento científico neses ámbitos, así como a afrontar os retos empresariais, económicos e sociais actuais e futuros. O Programa de Doutoramento en Economía e Empresa permite o desenvolvemento de competencias clave para a investigación avanzada e a aplicación de coñecementos nestes ámbitos. En relación coas competencias básicas e xerais, adquírense unha comprensión profunda dos fundamentos teóricos e prácticos da economía e da empresa, dominando as metodoloxías e técnicas de investigación necesarias para abordar problemas complexos nestes campos. Ademais, foméntase a capacidade para concebir e levar a cabo investigacións innovadoras que contribúan ao avance do coñecemento. Tamén se desenvolven habilidades para realizar análises críticas e avaliacións de ideas novas e complexas, contribuíndo co seu traballo á expansión do coñecemento económico e empresarial. A capacidade de comunicar estes achados de maneira efectiva, tanto á comunidade académica como á sociedade en xeral, considérase esencial para lograr un impacto da investigación na economía a nivel global, nacional, rexional e local. Ademais, promóvese un enfoque cara á Ciencia Aberta e á Ciencia Cidadá, alineado coa normativa vixente, fomentando a participación activa na xeración de coñecemento accesible e útil para a sociedade. No ámbito das capacidades e destrezas persoais, os egresados desenvolven habilidades para afrontar situacións de incertidume e tomar decisións informadas en contextos con pouca información específica. Así mesmo, poderán identificar e formular as preguntas clave que deben resolverse para abordar os desafíos complexos na economía e na xestión empresarial, e teñen a oportunidade de deseñar proxectos innovadores que aporten solucións innovadoras en áreas de grande relevancia, como a innovación empresarial, a diversificación sectorial e a sustentabilidade. O programa tamén promove a capacidade para traballar tanto de forma autónoma como en equipos multidisciplinares e internacionais, o que facilita a integración de diferentes perspectivas na análise económica e empresarial. Ademais, os egresados desenvolven a habilidade de integrar coñecementos en contextos complexos, formulando xuízos acertados baseados en información limitada e defendendo as súas solucións con rigor académico. Finalmente, no ámbito específico da investigación aplicada, adquiren competencias avanzadas para realizar investigacións aplicadas nos ámbitos específicos do desenvolvemento, o cambio estrutural, a innovación, a economía circular, a diversificación empresarial e sectorial, o papel do sector público e as políticas sectoriais destinadas a impulsar estes procesos desde a perspectiva da súa sustentabilidade, a dirección e xestión empresarial. As saídas profesionais do Programa de Doutoramento en Economía e Empresas son diversas, destacando as seguintes: o ámbito educativo, especialmente no nivel superior, tanto como profesorado como investigador, o sector público; e o sector produtivo. A nivel sectorial, destacan o sector financeiro, a consultoría, a economía circular, as enerxías renovables ou as actividades innovadoras e o emprendemento.

Para dar cobertura a tódolos requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servicios a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Área de Infraestruturas de Investigación, é a estrutura organizativa, dependente da Vicerreitoría de Política Científica, que integra as infraestruturas instrumentais de uso común que prestan servizos de apoio á investigación na USC. O obxectivo funcional da Área é dotar de maior unicidade e operatividade aos recursos de apoio á investigación da USC.
https://www.usc.gal/gl/RIAIDT
As tecnoloxías da información e da comunicación son hoxe un instrumento básico sen as que non é posible desenvolver unha universidade moderna e emprendedora. A investigación, a docencia e a xestión non poden alcanzar os compromisos de calidade sen unha utilización eficiente e intensiva das TIC. O Plan Estratéxico de Tecnoloxías da Información e das Comunicacións na USC (PETIC III) sinala as directrices de desenvolvemento da área TIC da USC.
https://www.usc.gal/gl/servizos/unidades/area-tecnoloxias-informacion-c…
A Área de Inclusión e Participación Social encárgase da coordinación e posta en marcha, en colaboración cos distintos centros, das actuacións necesarias destinadas a favorecer as medidas de atención á diversidade ao alumnado baixo un principio de equidade. Ao mesmo tempo, con outros servizos universitarios e, a través de convenios de colaboración con outras entidades, está a impulsarse a incorporación sociolaboral dos futuros egresados e egresadas con discapacidade ou necesidades específicas.
https://www.usc.gal/gl/servizos/area/inclusion-participacion-social
Outros recursos:

• Centro de Formación de Persoal
https://www.usc.gal/gl/servizos/unidades/centro-formacion-persoal
• Área Infraestruturas
https://www.usc.gal/gl/institucional/goberno/area/infraestruturas
• Servizo de Medios Audiovisuais (SERVIMAV)
https://www.usc.gal/gl/servizos/unidades/servizo-medios-audiovisuais-se…
• Servizo de Prevención de Riscos
https://www.usc.gal/gl/servizos/unidades/servizo-prevencion-riscos