Alumnado de terceiro curso de Medicina impúxose nesta competición sobre Radioloxía impulsada dende a Universidade de Málaga. Rebeca Aldaz Martínez, Mariana Cabaleiro Lago, Lucas Calvo Dios e Uriela García Rico foron os vencedores
O catedrático de Medicina e Saúde Pública Juan Gestal abre este martes, ás 18.00 horas, un ciclo de videoconferencias promovido polo Campus da Cidadanía da USC e no que diversos expertos abordarán o virus causante da pandemia desde distintas ópticas
Francisco Caamaño Isorna insiste en que con independencia do uso de luvas e máscaras faciais, deben manterse as medidas de hixiene e a separación de dous metros entre as persoas
Equipos do CIQUS e do CIMUS traballan na definición de diversas liñas de investigación sobre a prevención futura da enfermidade a través de vacinas; o desenvolvemento de novas formas de diagnose; así como de novas terapias e a optimización da súa administración
Neste estudo, o equipo de María Jose Alonso encárgase do desenvolvemento de "vehículos" (que simulan virus artificiais) para a protección e transporte do RNAm á célula diana
O Instituto de Saúde Carlos III acaba de conceder financiamento á proposta liderada por José Martínez Costas, do CIQUS, cuxo grupo ten patentada unha metodoloxía que permite producir vacinas contra calquera patóxeno nunha marxe moi reducida de tempo e a baixo custe
Os obradoiros, videoconferencias, chats, concursos e retos científicos programados para achegar a oferta académica da USC ao alumnado de ensino medio rematan este mércores cun destacado volume de visitas de alumnado preuniversitario
A Biblioteca Universitaria continúa elaborando listaxes con fontes de información para que o alumnado dispoña de recursos en liña e de balde cos que complementar as clases en remoto. Novamente o servizo de préstamos de libros electrónicos Prelo debe ser unha das primeiras fontes a consultar polo alumnado.
Novas medicións nas que participa a USC amosan grandes diferenzas entre a materia e antimateria observada nas desintegracións de mesóns B en tres pións e arroxan un pouco de luz sobre a dinámica de interacción forte que controla estes procesos
A Universidade acaba de aprobar unha resolución reitoral que busca acadar unha organización académica e temporalización das actividades a realizar que sexa respectuosa coas cargas de traballo do alumnado
A institución compostelá, que acadou máis de cinco millóns de euros, coordinará tres proxectos en materia de innovación educativa, comunicación sostible e desenvolvemento tecnolóxico
Os tres reitores das universidades galegas manterán un novo encontro a fins de abril no que definirán un sistema de avaliación flexible e adaptado ás circunstancias "tan especiais deste cuadrimestre"
A Biblioteca Universitaria continúa escolmando recursos en liña para favorecer a docencia en remoto do alumnado. A plataforma de préstamo de libros electrónicos Prelo segue a ser, xunto co repositorio institucional Minerva, unha das principais fontes de información.
A ferramenta web, desenvolvida por investigadores do grupo MODESTYA da USC, prognostica o avance do virus baseándose nos datos da súa evolución durante a quincena previa, e fai a predición para un horizonte temporal de tres días conforme a tres posibles modelos de comportamento
Distintas institucións españolas xunto coas universidades de Verona, Surrey, Edimburgo e Católica de Perú xa se amosaron interesadas por esta iniciativa
MitoBlue está baseada en microscopía de fluorescencia e podería facilitar o estudo de enfermidades neurodexenerativas